- allur pappír
- plast
- rafhlöður
- föt til Rauða krossins
- gler
- ál og járn
- kertavax
- dósir og flöskur
Með þessu móti verða til u.þ.b. 1-2 ruslapokar á viku hjá mér með almennu óflokkuðu rusli.
Ég reyni líka að vera hagkvæm í matarinnkaupum. Það gengur nú misvel, aðallega eftir því hvað er mikið að gera í vinnunni og hvenær ég fæ upplýsingar um hvað verða margir í mat. Það sem kemur best út er að útbúa matseðil fyrir vikuna og versla inn einu sinni til tvisvar í viku.Síðastliðin ár hef ég unnið í skólanum nálægt heimili mínu og hef þess vegna sparað ófáa lítra af eldsneyti, fyrir utan tímann sem fer venjulega í það að keyra á milli. Þetta er algjör lúxus.
Það má líka segja að græni lífsstíllinn endurspeglist í því að ég nota heimilistækin þar til þau eru ónýt en kaupi ekki ný eftir duttlungum tískunnar, ryksugan mín er frá mömmu og pabba frá því að þau byrjuðu að búa 1968. Ég er nýbúin að endurnýja hárblásarann minn en sá gamli var keyptur í kringum 1988 og var alveg hættur að blása.
Frugal living tengist minimaliskum lífstíl svolítið eins og er svo mikið í tísku núna.
Ég rakst á þennan lista um umhverfisvæn atriði á One ordinary day og ætla að reyna að íslenska hann:
- Ekki nota rör
- Veldu nei þegar hraðbankinn eða bensíndælan spyr hvort þú viljir kvittun
- Notaðu tauservettur, jafnvel þó það sé bara einu sinni í viku.
- Notaðu "cruise control" þegar færi gefst (við eigum reyndar ekki svo fínan bíl að hann hafi svona fínerí)
- Notaðu margnota vatnsflösku og fylltu á hana heima
- Notaðu borðtuskur og viskustykki í staðinn fyrir eldhúsbréf, (það er ótrúlega auðvelt að skipta, prófaðu bara)
- Notaðu margnota innkaupapoka, þeir eru þægilegir og þeir rifna ekki
- Flokkaðu eins mikið af sorpi og hægt er á þínu svæði
- Notaðu sparperur og slökktu ljósin þar sem enginn er
- Þvoðu fulla vél, bæði í þvottavélinni og uppþvottavélinni
- Notaðu hleðslubatterí í staðinn fyrir venjuleg
- Ekki kaupa nammi eða kex sem er pakkað hverju fyrir sig - allt of miklar umbúðir
- Safnhaugur. Á venjulegu heimili verða til um 100 kg af úrgangi í eldhúsinu á hverju ári. Það er hægt að setja mest allt í safnhaug, nema kjöt, kjötafurðir, mjólkurafurðir og mjög feitar matvörur. En vissirðu að það má líka setja ýmislegt annað á safnhauginn eins og t.d. rifin dagblöð, auglýsingabæklinga, klósettrúllur, kaffifilter og jafnvel ló.
- Styddu við bakið á bændum í nágrenninu og keyptu vörur af svæðinu
- Taktu rafmagnstæki úr sambandi þegar þau eru ekki í notkun
- Gerðu við leka krana
- Borgaðu reikningana í heimabanka, bæði til að spara pappír og bensínkostnað
- Fáðu far með öðrum og/eða gefðu öðrum far
- Lækkaðu í ofnunum (ég er reyndar svo mikil kuldaskræfa að ég vil ekki spara mikið í þessum lið)
- Láttu ekki heitt eða kalt vatn renna að óþörfu
- 100 milljón tré eru felld á hverju ári til að prenta ruslpóst, merktu póstkassann þinn þannig að þú fáir ekki ruslpóst
- Salt á götum og gangstéttum er óhollt fyrir náttúruna, reyndu að finna aðrar aðferðir við hálkuvarnir
- Þegar þú notar bakaraofninn, reyndu að opna hurðina eins lítið og hægt er til að lágmarka hitatap. Ekki forhita ofninn nema þess þurfi
- Hreinsaðu lósíuna í þurrkaranum oft (ég er nýbúin að kaupa mér þurrkara og finnst hann algjör snilld þó hann sé auðvitað orkusuga, ég þvæ og þurrka samt ekki nema svona 1-3 vélar á viku fyrir okkur 3)
- Sláðu grasið áður en það verður of hátt, þá geturðu látið það liggja á og rotna niður í jarðveginn og þannig komið næringarefnunum aftur niður í moldina
- Plantaðu trjám, þau veita skjól á sumrin og minnka vind á vetrum
- Úðaðu illgresið með venjulegu borðediki á sólríkum degi. Það er lífrænn illgresiseyðir sem er öruggur fyrir náttúruna og þig
- Fáðu lánaðar bækur og lánaðu öðrum bækurnar þínar. Á sumum bókasöfnum er hægt að skilja eftir kiljur og fá aðrar í staðinn
- Vertu með réttan loftþrýsting í dekkjunum á bílnum þínum
- Skoðaðu umbúðir utan af matvælum, keyptu matvörur í endurvinnanlegum umbúðum. Vertu meðvituð/aður um að minnka umbúðir, bananar þurfa t.d. ekki að fara í skrjáfpoka áður en við setjum þá í innkaupapokann
- Notaðu dagsbirtuna þegar hægt er
- Skoðaðu þennan lista með 75 atriðum sem mega fara í safnhauginn
- Ekki aka langar leiðir til að kaupa mat
- Notaðu matarsóda og edik til að losa stíflaða vaska en kallaðu fyrst á börnin, þau vilja sjá þetta
- Slökktu á tölvunni á nóttunni
- Fylltu frystinn, hann eyðir minna rafmagni fullur en tómur
- Settu uppþvottavélina bara af stað þegar hún er full og raðaðu vel í hana
- Farðu með nesti í vinnuna og notaðu margnota nestisbox
- Ef þú ert áskrifandi að tímariti, láttu það ganga til vina þegar þú hefur lesið það eða skildu það eftir á biðstofu lækna
- Þurrkaðu fötin þín á snúru í stað þurrkara.
- Finndu leiðir til að nota það sem þú hendir venjulega, athugaðu t.d. þessar skemmtilegu síður
- 20 leiðir til að nota eggjabakka
- Hugmyndir til að nota ruslpóstinn
- Hvernig skal nýta kaffikorg
- Whipup.net sýnir hvernig hægt er að breyti gömlu pilsi í flotta tösku. Á netinu eru ótal svona síður
- Fleiri hugmyndir hvernig hægt er að nýta eggjabakkana
- Natural home sýnir hvernig hægt er að nýta glerkrukkur
Grænn apríl, umhverfissíða
Íslensk fjölskylda sem ákvað að verða græn.
Skref fyrir skref, bæklingur um umhverfisvernd frá Landvernd.
Til umhugsunar um plast- eða bréfpoka sem innkaupapoka. Ég nota innkaupapoka frá Envirosax sem eru frábærlega hannaðir, sterkir og fara vel í tösku auk þess sem þeir eru ótrúlega smart. Envirosax fást í netbúðinni www.disir.is
