Prjónaveskið

Bara nokkrar myndir af fallegasta prjónaveski norðan Alpafjalla.

Merci

Mynd héðan

Frúin er búin að skrá sig á frönskunámskeið sem hefst í kvöld hjá Alliance francaise. Ástæðan fyrir þessu málanámi mínu er auðvitað áhugi minn en líka það að heimasætan er að byrja í frönsku í framhaldsskólanum sínum og því finnst mér upplagt að við lærum þetta saman frá byrjun.
Eins og þetta sé nú ekki nóg er frúin líka í einum áfanga í dreifnáminu sem hefur mallað hægt og rólega undanfarin ár og sér nú fyrir endann á. Mín útskrifast jafnvel í vor!
Planið er að taka ræktina með trompi, mín er komin með kort í World Class og ákveðin í því að verða ekki styrktaraðili heldur virkur meðlimur.
Önnin klárast svo með gönguferð um Toscana með grasa- og sælkeraívafi með góðri vinkonu. Það er því ljóst að mér á ekki eftir að leiðast næstu mánuðina frekar en fyrri daginn

Á kantinum bíður bloggfærsla um handavinnu en ég kláraði loksins prjónaveskið mitt um daginn og svo fékk ég undurfagra heklaða ljósaseríu frá bestu systur í afmælisgjöf. Verð að gefa mér tíma til að mynda herlegheitin.

Falleg augu

Mynd: héðan

Fallegur boðskapur og örugglega sannur.

Nýtt ár, ný tækifæri

Mynd héðan

Árið 2011 liðið og nýtt ár hafið, fullt af frábærum tækifærum og nýjum fyrirheitum. Eins og venjulega hef ég engin sérstök áramótaheit en ætla, eins og alltaf, að reyna að bæta mig á eins mörgum sviðum og hægt er. Systir mín elskuleg ætlar að reyna sitt besta til að draga mig í ræktina (ég þarf nú alveg á því að halda). Ég ætla líka að standa mig betur í því að standa upp úr sjónvarpsglápinu og framkvæma hlutina (handavinnu, skipulag heimilisins o.fl.) Ég ætla að reyna að vera duglegri að fara í heimsóknir, ég er alveg hrikalega léleg í því. En erfiðasta verkefni þetta árið verður að fá heimilismenn til að taka jafnan þátt í heimilishaldinu. Þetta err eiginlega nauðsynlegt, því ég verð svo grumpy að horfa á skítuga sokka og óhreinar nærbuxur út um allt eða brauðmylsnur á bekknum þegar einhver hefur fengið sér smá snarl. Þetta verður reynt til að bjarga geðheilsu frúarinnar.