Þér er boðið

Ég tek þátt.
Kveðja

Rosalega eru páskaegg góð!

Mmmmm ég keypti mér rísegg frá Freyju. Það er algjört æði.
Við erum búin að fara í tvö matarboð núna fyrir páska. Það fyrra hjá Guðmundi og Þuru á föstudaginn langa, þar fengum við geggjaða humarsúpu að borða, mmmm ég gæti nú alveg lifað á svoleiðis mat. Svo fórum við til tengdó í gærkvöldi, þar var nú ýmislegt gott á boðstólnum, lambakjöt, svínakjöt, graflax og pasta. Ég borðaði bara graflaxinn og pastað, og svo var ís á eftir á báðum stöðum. Á morgun förum við svo í ferminguna hennar Elínar frænku, Eggert ætlar að sjá um matinn svo maður verður nú örugglega ekki svikinn af veitingunum þar.
Við Þórunn ætlum að fara í spæjarahágreiðsluferð þegar bekkurinn hennar fermist þann 6. apríl til að finna út úr því hvernig hárgreiðslu Þórunn vill vera með. Við erum báðar á þeirri línu að hafa þetta einfalt, less is more, eins og Sandra sagði í gær.

Nóg að gera í páskafríinu

Við systur fórum í dag til að kíkja á búðina hjá E en þá var frúin bara ekki heima (var á snyrtistofunni), þannig að við fórum bara heim aftur. Ég fór svo seinnipartinn og sótti ömmu og afa til að gera skattaskýrsluna þeirra og þau voru í mat hjá okkur.
Ég eyddi mestöllum gærdeginum í að reyna að finna út úr því hvernig ég get notað fínu videocameruna mína sem millistykki til að breyta VHS (analog) hreyfimyndum yfir í digital form þannig að það sé hægt að klippa þær í tölvu. Við eigum nefnilega fullt af videomyndum af Þórunni síðan hún var lítil á VHS spólu. Eeeennn það kom í ljós að þetta er ekki hægt með þeim græjum sem ég á og á ég samt nóg af græjum. Fór líka í gær á fund hjá Fókusfélaginu, það var skiladagur á myndum fyrir sýninguna sem verður í Ráðhúsinu og byrjar í næstu viku. Ólöfu leiddist svo heima í gær að hún fór út í skóla til að leika við krakkana í Brosbæ.

Úúú, já og Etsy taskan kom í dag. Ekkert smá flott, alveg eins og ég var að vona. Ég borgaði 3500 kr fyrir hana með kortinu mínu og svo borgaði ég 1310 kr. í toll, vsk og tollumsýslugjald. Kannski þetta verði upphafið að miklum netviðskiptum af minni hálfu.

Boðskortin tilbúin

Jæja þá erum við Þórunn búnar að hanna boðskortin í ferminguna. Við erum báðar voða sáttar við útkomuna, nú er bara eftir að prenta þau út og senda og þá er það afgreitt. Þórunn er búin að gera gestalistann.

Var að heyra frá einum samkennara mínum að Lækjarskóli í Hafnarfirði virðir hvíldartímaákvæði kjarasamningsins.

Var að horfa á fréttirnar áðan, ég óska þessum grunnskólakennara á Seltjarnarnesi til hamingju með niðurstöður dómsins. Mér finnst gott að vita til þess að foreldrar beri ábyrgð á brjálæðisköstum barna sinna, jafnvel þó þau séu veik eins og þessi stúlka er greinilega. Við erum nefnilega að vinna á menntastofnun en ekki sjúkrastofnun. Mér finnst þessi dómur vera smá viðurkenning á því.

Ný PS færni og kjarasamningaraunir

Ég var að fatta hvernig svona rammar eru gerðir. Maður setur hvítt yfir myndina, notar svo strokleðrið og velur sér form á það og strokar út þetta hvíta þannig að myndin kemur í ljós.

Ég er að vesenast í því núna þessa dagana að fá skólastjórann minn til að fara eftir kjarasamningum. Það er nú meira mál en maður gæti haldið. Þannig er mál með vexti að í grein 2.4.2. í kjarasamningum kennara segir að "ef almannahagsmunir eða öryggissjónarmið ráði megi lengja vinnulotu þannig að 11 tíma hvíld skerðist. Í þeim tilvikum eigi að taka skerðinguna, margfalda með 1,5 og veita þann tímafjölda í frí." Þetta segir skólastjórinn minn að eigi ekki við hjá okkur því það kosti of mikið og ef það ætti að fara eftir þessu gætum við ekki farið í neinar ferðir. ... eins og það komi mér eitthvað við! Hún sagði líka að þetta ákvæði í samningunum væri ekki virt í neinum skóla. Nú er ég þess vegna að safna skólum sem virða þetta ákvæði; ég er komin með 3: Húsaskóla, Fossvogsskóla og Vallaskóla á Selfossi. Ég veit að það var reynt fyrir nokkrum árum að láta skólastjóra Foldaskóla fara eftir þessu, en hann neitaði stöðugt og á endanum gáfust kennararnir upp. Ef þið vitið af fleiri skólum sem virða þetta ákvæði, látið mig endilega vita.

Kveðja frá einni í baráttuham!!!

Kransakökubakstur

Í gærkvöldi voru bakaðar 3 kransakökur í eldhúsinu mínu. Þetta tók ekki nema 3,5 tíma enda vant fólk við stjórn. Þórunn hjálpaði auðvitað til þar sem ein kakan á að vera í veislunni hennar. IR fermir sína stelpu 16. mars og bróðir hennar Svölu fermir sama dag.

Etsy taskan

Ég pantaði mér á netinu um daginn. Taskan var send af stað á fimmtudaginn og nú bíð ég spennt. Það eru rosa margar æðislegar töskur þarna en ég féll strax fyrir þessari og skoðaði eiginlega ekki margar eftir að ég sá þessa.

http://www.etsy.com/shop.php?user_id=5224858

Ótrúlega flott, finnst mér.

Skemmtilegt bréf ... eða þannig

Sælir skólastjórnendur
Mér hafa borist fyrirspurnir vegna þess að þeir kennarar sem eru á fyrirframgreiddum launum fengu ekki launaflokkshækkun 1. mars. Menntasviði var ekki kunnugt um þá ákvörðun að fresta útborgun launahækkunarinnar. Skýring mannauðsskrifstofu ráðhússins er eftirfarandi: Í launakerfinu er ekki hægt að aðgreina launaflokk vegna fyrirframgreiddra launa og eftirágreiddra launa (yfirvinna og aðrar aukagreiðslur) í sömu útborgun. Leiðréttingin kemur því til framkvæmda um næstu mánaðamót 1. apríl. Fyrirframgreidd mánaðalaun fyrir mars verða þá leiðrétt afturvirkt frá 1. mars.
Bestu kveðjur
Valgerður Janusdóttir,
starfsmannastjóri Menntasviði Reykjavíkurborgar
sími: 411 7047
netfang: valgerdur.janusdottir@reykjavik.is

HVAÐ ER Í GANGI? Eigum við að bíða í mánuð eftir launahækkuninni okkar af því að Mannauðsskrifstofan kann ekki á tölvukerfið? Við fengum launahækkun frá 1. janúar sem kom til útborgunar á réttum tíma. Hvað er öðruvísi núna?