Við mæðgur fórum á prjónakaffi í gærmorgun. Alveg stórskemmtilegt eins og alltaf en þar fengum við uppskrift af hráköku frá lifraent.is sem heitir snickerskaka. Sæta spætan vildi alveg ólm prófa því í uppskriftinni er slatti af hnetusmjöri sem hún dýrkar en ég dái minna. Kakan heppnaðist alveg súper vel, sætunni fannst hún æði og mér fannst hún bara glettilega góð, það var nefnilega ekki svo mikið hnetusmjörsbragð af henni eftir allt saman.
