Listi yfir sýningar sem ég hef tekið þátt í:
- Fyrir og eftir - Ráðhús Reykjavíkur - vor 2008
- Rautt í Fókus - Smáralind - nóvember 2008
- Allt í Fókus - 6. - 21. júní 2009 í Ráðhúsi Reykjavíkur
- Kvenleiki - karlmennska - Flickr konur 12. - 26. september 2009 í Kringlunni
- Veður í Fókus - 1. - 15. mars 2010 í Norræna húsinu
Ljósmyndakeppnir sem ég hef tekið þátt í:
- Ljósmyndamaraþon Kátra daga á Þórshöfn í júlí 2010 í samvinnu við Sense. Lenti í 1. sæti og fékk Canon Ixus 105 myndavél í verðlaun.
Allar myndir á þessu bloggi eru eftir mig nema annað sé tekið fram.
Ljósmyndaáhuginn hefur alltaf blundað í mér en það var ekki fyrr en vorið 2007 sem ég tók við mér. Það vor keypti ég mér fyrstu alvöru myndavélina mína Canon EOS 400D. Henni var svo stolið í innbroti heima hjá okkur sumarið 2008 og fyrir tryggingaféð náði ég að kaupa mér sambærilega vél eða Canon EOS 450D.
Ég fór á námskeið hjá Pálma (http://www.ljosmyndari.is/) vorið 2007 og það námskeið kom mér vel af stað og ég hætti eiginlega að nota græna takkann (auto). Síðan þá hef ég verið inn á síðum eins og Flickr og http://www.ljosmyndakeppni.is/ og lært heilmikið þar. Haustið 2007 fór ég svo að venja komur mínar á fundi hjá áhugamannafélaginu Fókus (http://www.fokusfelag.is/) en þar er mikið af góðu og fróðu fólki sem hægt er að læra af. Ég er einnig búin að ljúka 6 anna fjarnámi á listnámsbraut í Borgarholtsskóla í prent- og skjámiðlun, þar sem komið er inn á ljósmyndun og allskonar vinnslu tengdri henni.
