Fókusrölt í vesturbænum í gærkvöldi

Við systur fórum á Fókusrölt í vesturbænum í gærkvöldi. Það voru 15 manns sem mættu og Kim og Helga leiddu hópinn um bakgarða og falda fjársjóði vesturbæjarins í tvo tíma. Þetta var alveg ævintýralegt og ótrúlega gaman að sjá eitthvað annað en Hringbrautina í vesturbænum. Veðrið skemmdi nú heldur ekki, logn og sól. Ég tók rúmlega 100 myndir og er búin aðs setja nokkrar inn á Flickr og set örugglega fleiri bráðum. Næstu 5 þriðjudaga verður svo rölt um: Kópavog (Digranesið), Laugarnesið, Langholtsveg, Gróttu og Grasagarðinn. Ég ætla að reyna að komast í allar þessar göngur, því ég er búin að ákveða að verkefni sumarsins verður að kynnast borginni minni betur. Það eru örugglega ótal svona perlur eins og vesturbærinn á stór-Reykjavíkursvæðinu sem gaman er að skoða.

Tónleikarnir hennar Ólafar

Bekkurinn hennar Ólafar spilaði á tónleikum í Grafarvogskirkju sl. laugardag. Bekkurinn hefur fengið flautukennslu einu sinni í viku í vetur frá Tónskóla Hörpunnar en þetta er samstarfsverkefni Reykjavíkurborgar og nokkurra tónlistarskóla í borginni. Þessi kennsla heldur því miður ekki áfram næsta vetur vegna niðurskurðar (lesist: kreppunnar). Krakkarnir eru nú misdugleg að spila og Ólöf kallar fyrri hópinn ömurlega hópinn, hehe. Hún er í seinni hópnum í bleikum kjól, með rautt blóm í hárinu.
Í lok myndbandsins eru 4 krakkar úr bekknum sem spila Love me tender og tekst það bara vel. Ólöf er í þeim hópi, sem er kannski ekki skrítið því hún hefur verið mjög dugleg að æfa sig heima í vetur.

Tónleikar í dag.

Í dag spilaði Þórunn á vortónleikum Tónskóla Hörpunnar í Grafarvogskirkju. Hún byrjaði að læra í október en hefur verið ótrúlega dugleg. Tónlistarnám liggur einstaklega vel fyrir henni, ætli hún hafi það ekki frá móður sinni ;-)

Sú yngri, Ólöf á svo að spila á sínum vortónleikum næsta laugardag kl. 11 á sama stað. Þetta verður því tónlistarveisluvika hjá okkur.

Þreytt í dag

Í gærmorgun fór ég ásamt mömmu, Guðnýju og Þuru mágkonu að skoða sýninguna hennar Þuru í Kennó. Þetta er rosa flott sýning og gaman að koma þarna aftur en það eru 15 ár síðan ég útskrifaðist.
Ég setti þvottavél, braut saman þvott og hengdi upp.
Þegar Þórunn kom heim úr skólanum tók ég hana með mér í Bónus til að versla. Ég var eins og fín frú með burðardýr ;-)
17:30 fór ég svo og hitti konurnar sem eru með mér í Borgó og við vorum að fikta og kenna hvor annarri á illustrator í einn og hálfan tíma.
Ég var svo þreytt eftir daginn að dagurinn í dag hefur verið algjör hvíldardagur, bíómynd (about a boy), friends þættir og afslappelsi. Vonandi hef ég meiri kraft á morgun.

Ný húfa fyrir ÓH

Ég kláraði húfuna hennar ÓH í gærkvöldi. Hún var voða ánægð með hana. Ég á samt eftir að bursta hana til að hún verði aðeins loðnari þ.e. húfuna.
Heilsan er fín, þetta er allt að koma. Ég er farin að keyra og meira að segja get ég horft á Friends!