þriðji

Þriðji sunnudagur aðventu að kvöldi kominn, allir sofnaðir og kyrrð og ró yfir mér og friends sem rúlla í sjónvarpinu. Í dag var merkilegur dagur, litla óskastjarnan, þriðja ömmubarnið mitt fékk nafnið sitt. Heimasætan og kærastinn sungu í kirkjunni og tókst það líka svona ljómandi vel. Hvernig er hægt annað en að dást að þessu unga, hæfileikaríka fólki. 

Mágkona mín og bróðir eignuðust dóttur í kvöld. Mágkona mín á líka afmæli í dag svo hún fékk risastóra afmælisgjöf þetta árið. Ég hlakka til að hitta nýju frænku mína á morgun.

Veðrið hefur verið svo fallegt og jólalegt undanfarið, það snjóar í logni og alls staðar er umhverfið eins og á póstkorti, drifhvítur snjór yfir öllu, stillt veður og dásamlegt. Nú nálgast útskrift heimasætunnar óðfluga, undirbúningurinn mjakast áfram. Þetta gengur allt saman þegar allir hjálpast að.